Рәшит Нургалиев Иминлек советы секретаренең беренче урынбасары итеп билгеләнде

Бу турыдагы документ хокукый мәгълүмат порталында чыкты.

«Рәшит Гомәр улы Нургалиевны хәзерге вазифасыннан азат итәргә һәм Россия Иминлек советы секретаренең беренче урынбасары итеп билгеләргә», диелгән текстта.

Рәшит Нургалиев 2012 елдан Иминлек советы секретаре урынбасары булып эшләде. Элеккеге Россия эчке эшләр министры ведомствоны 2004 елның мартыннан 2012 елның маена кадәр җитәкләде. Ул - армия генералы, икътисади фәннәр кандидаты.

Владимир Путин тагын бер карары белән Иминлек советы секретаре урынбасары итеп Алексей Шевцовны билгеләде.

Чыганак: https://tatar-inform.tatar/news/putin-rasit-nurgalievny-iminlek-sovety-sekretarenen-berence-urynbasary-itep-bilgelade-5866656