Сыйныфташлары күз алдында батып үлгән

автор, 9 август 2023 - 11:06

818

Кама елгасында 2011 елда туган яшүсмернең үлеме факты буенча Түбән Кама прокуратурасы тикшерү үткәрә.

Фаҗига 9 август көнне «Вишневый сад» ял базасыннан 2 чакрым ераклыкта килеп чыккан. Үсмер ике сыйныфташы белән сулык ярына килә. Бу урын, ведомствода төгәлләнгәнчә, су коену өчен җиһазландырылмаган.
Вакыйга урынына Түбән Кама прокуроры вазифаларын башкаручы Руслан Миңнебаев чыккан. Күзәтчелек ведомствосы балигъ булмаганнарның күзәтүсез йөрүе турындагы закон таләпләренең үтәлешен тикшерәчәк. Шулай ук су объектларында кешеләрнең иминлеген тәэмин итү өлешендә җирле үзидарә органнарының эшенә хокукый бәя бирәчәк.