erid:LgsiSnffX
Арск-Информ

Арча районы

18+
Рус Тат
2024 - Гаилә елы
Язмышлар...

“Ятимнәрне сыендыру өчен Җиргә җибәрелгәнмен!»

“Мин оныткан да идем инде, сыйныфташларым исемә төшерде. Балачактан ук зур гаилә турында хылланган икәнмен”, – дип, тормыш тарихын сөйли башлады Алсу Вәлиева. Тик еш кына хыяллар белән чынбарлык туры килеп бетми шул (»Шәһри Казан », Йолдыз Шәрапова) .

 

“Үзеңнекеләр дә күп булыр”
Бер күрүдә гашыйк булып, армия хезмәтеннән сагынып, көтеп алып, гөрләтеп туйлар итеп, бер-берсен күз карашыннан аңлап-санлап яшәгән Равиле белән итәк тутырып балалар үстерергә хыяллансалар да, язмыш аларга бер кыз гына бирә.

Гомерләренең яшьлекләрен Коми республикасының Инта шәһәрендә уздыралар – Равил шахтада эшли. Унбиш ел Себердә торганнан соң, гаилә Алсуның туган ягына – Казанга кайтырга карар кылына. Лаеш районында җир алып, нигез корып, йорт салырга ниятлиләр. Равилнең кулы да, акылы да алтын була. Йорт салынып беткәч, почмаклардагы бушлыкны сабыйлар чыр-чуы белән тутырырга теләп, ире Алсуга җайлап кына сүз куша: “Берәр ятим бала алсак, әйбәт булыр иде, әнисе”, – ди. Алсу риза булмый димени инде?! Хатын-кызның җанында гел әни, кемгәдер кирәк булу теләге яши бит. Кызын тапканда Алсу белән бер палатада яткан яшь хатын баласын ташлап калдыра. Шул чагында ук сабый язмышы өчен йөрәге әрнегән Алсу баш табибка бу баланы үзенә бирүләрен сорап керә. Баш табиб олы яшьтәге, немец милләтеннән булган гинеколог абзый: “Кызым, син яшь әле. Үзеңнекеләр дә бик күп булыр”, – ди.
Татарстанда игелек-шәфкать, гаилә еллары дип аталган чорда ятим балаларны, аларның моңсу күзләрен телевизор экраннарыннан да, газета-журнал битләреннән дә еш күререргә мөмкин була. Шул чакта дөньяга зур итеп ачылып, нигә мин ятим, дип сорау биргән ул күзләргә Вәлиевлар тыныч кына карый алмый. Шулай итеп, студент кызлары Венера энекәшле Федор-Фаилле була.

 Мәхәббәт дәвасы
 Шулай матур гына түгәрәк бәхетле гаилә булып яшәп ятканда Вәлиевларның ишеген кайгы шакый. Равил Екатеринбург шәһәренә төзелешкә эшкә киткән була. Шунда дусларын яклап, көч кулланырга – сугышырга туры килгән аңа. Ләкин үзенә дә шактый нык эләккән: башын да ярганнар, аягын да сындырганнар. Типсә тимер өзәрлек пәһлеван кебек ирен ак бинтка төреп машинага салып үзе алып кайта Алсу. Кайда үҗәтлеген алга куеп, кайда ак халатлыларның сузылган кулларына яшел кәгазьләр салып дәвалый ул ирен. Мәхәббәте дә ярдәм иткәндер.

Реклама
erid:2Vtzqwy9AuJ erid:2Vtzqwy9AuJ

 Ләкин чир дә тиз генә бирешергә теләми. Инде терелә дигәндә, яралары үлекләп ага башлый. Тагын хастаханә, тагын йокысыз төннәр башлана. “Аягын кисәргә туры киләчәк!” – ди табиблар беравыздан. “Юк! Аннары балаларының туенда ничек биер ул?!” Иренең ике аягын да саклап калу өчен ниләр кичергәнен Алсу үзе генә белә. Әллә кайлардан ераклардан кыйммәтле дарулар кайтартып, Равиленең аягын да, гомерен дә саклап кала хатын. Равиле култык таяклары белән булса да йөри, хәтта машина руле артына утырып, яраткан хатынын –тормышының Алсу чәчәген эштән дә каршылый башлый.
Көннәрнең берсендә Равиле кыз бала алу турында сүз ката. Бу юлы саулыкка туймаган, мөмкинлекләре чикләнгән бер кыз алырга булалар, гаилә башлыгы авырып ятканда нәзер итеп әйтә моны Вәлиевлар. 

Янаны Норлат балалар йортыннан барып алалар. Иске киемле бу кыз беренче күргәндә Алсуның күңелендә кызганудан башка хис уятмый. Җитмәсә, кызның җитди авыруы да бар икән. Яңа ел бәйрәме алдыннан алып кайтканга дүрт яшьлек Янаны Кыш бабай бүләге дип йөртәләр.

Тулырак: http://shahrikazan.ru/news/әy-yazmyish/yatimnrne-syendyru-chen-irg-shua-ibrelgnmen

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Арча хәбәрләре