Арча районында техник караулар дәвам итә

27 мартта “Курса МТСы” ширкәтендә еллык техник карау графигы нигезендә үзйөрешле машиналарга һәм тагылмаларга еллык техник карау үткәрелде. Техник карау өчен 36 берәмлек техника тәкъдим ителгән иде.  Механизаторлар еллык техник тикшерүгә әзерләнүгә җаваплы караганнар, техника куелган таләпләргә туры килә һәм аңа техник тикшерүне узу турында таныклык биреләчәк.

“Техник карауга йомгак ясап, механизаторларга һәм вазыйфаи затларга язгы кыр эшләрен башкарганда куркынычсызлык техникасын һәм юл хәрәкәте кагыйдәләрен үтәү буенча таләпләр аңлатылды”, – дип билгеләп үтте Татарстан Республикасы Дәүләт техника күзәтчелегенең Арча муниципаль районы буенча бүлеге баш дәүләт инженер-инспекторы Габделхак Касыймов.