Балалар бакчалары өчен түләү арта

Министр 2021 елның 1 гыйнварыннан балалар бакчаларында ата-аналар түләвенең 4 процентка артуы көтелгәнлеген искәртте.

«Ата-аналарның 80 проценты өчен түләү 125 сумга артачак. Ата-аналар түләве елга бер тапкыр арта. Төп масса өчен ул 3 252 сум тәшкил итәчәк. Ата-аналар бары тик карау һәм тәрбия өчен генә түли, бирегә ашату, балаларны карау, кухня хезмәткәрләре эше керә. Ә калган чыгымнарны республика үз өстенә ала», - диде Татарстан мәгариф һәм фән министры Илсур Һадиуллин.

Ул шулай ук бала балалар бакчасына йөрмәгән вакытта, ата-аналар туклану өчен түләми, диде.

Татар-информ: https://tatar-inform.tatar/news/science/14-12-2020/ilsur-adiullin-2021-elda-balalar-bakchalary-chen-t-l-artuny-s-b-ben-a-latty-5792597