Боз сараена соңга калганбыз

"Игъланда күрсәтелгәнчә, 18.00 дән 19.00 сәгатькә кадәр шуарбыз дип килгән идек, 17.15 тә үк кертә башлаганнар икән, белмәдек"- дип зарланучылар күп иде бүген боз сараенда. Без дә шундыйларның берсе идек. Инде ярты сәгать кенә шуасыгыз калды дип, ярты бәягә генә кертеп җибәрделәр, шунысы ярады, рәхмәт.

Бозга үтсәк, андагы халыкны күреп шаккаттык. Алма төшәрлек урын да юк иде, дисәм дә ялгышмам. 2-3 яшьлек балалардан алып, өлкән яшьтәге абый-апалар да шуа иде. Бик тиз шуучы яшьләрне күреп, яңа гына тимераякка баскан балалар өчен борчылып карап тордым. Бәрелеп егылучылар да күп булды арасында...

Ярты сәгать вакытны уздырып чыгып киткәндә, эш сәгатьләре турында кабат сораштым. Иртәгедән мондый шуулар 14.00-15.00 һәм 18.00-19.00 аралыгында булачагын ассызыклап әйттеләр. Ә бүгенге вакыт бн килеп чыккан аңлашылмаучанлыкка гафу үтенделәр. Вакыт күчү турында алдан хәбәр ителмәгән. 

Шулай ук 9 гыйнварда, якшәмбе көнне дә шугалакка килүчеләр 17.15 - 18.15 сәгать аралыгында кертеләчәк дип планлаштырыла. Игътибарлы булыгыз!

Шугалактан халык чыгып бетүгә махсус машина белән боз чистарту оештырылды