Эшләрендә уңышлар телибез!

Район Иҗтимагый советы җитәкчесе Надия Мифтахетдинова яңа составка, эшләрендә уңышлар теләп, таныклыклар өләште. Дөресен генә әйткәндә, иҗтимагый совет әгьзалары моңарчы эшләп килгән активистлар. Бик кызганыч, иң активларның берсе - Илдус Сәгьдиев китеп барды. Авыр туфрагы җиңел булсын. Илдус абыйны 1 минутлык тынлык белән искә алдылар.  Яңалардан - махсус хәрби операциядә хезмәт итеп кайткан Динар Абдуллин иҗтимагый совет составына кабул ителде.

Иҗтимагый совет һәрдаим урыннарга барып, тормышны өйрәнеп, уңышларны күреп, проблемаларны ачыклап, район җитәкчелегенә җиткереп, шулай бергә-бергә матур гына эшләп килә. Авыл җирлекләрендә, район оешмаларында, төзелеш обьектларында күчмә утырышларны һәрдаим үткәрәләр. Эшләрендә уңышлар! Без бергә!