Арск-Информ
  • Рус Тат
  • Халык синоптигы Әмир Шәрәфиев: “Балан суыклары якынлаша”

    Бу атнада көннәр матур, җылы торса да, озакламый суытып җибәрер дип көтелә. Җәй дә бер атнага соңга калып киләчәк икән. Бу хакта Балтач районында яшәүче халык синоптигы Әмир Шәрәфиев әйтте.

    – Башта майның бишеннән унбишенә кадәр шомырт чәчәк атты. Ул вакытта салкыннар булды. Хәзер инде балан чәчәк ата. Көннәр шуңа салкынайтачак. Никадәр генә ашыктырсак та, яз иртә килгән төсле тоелса да, табигать үзенекен итә. Бар да үз урынына баса. Шомырт салкыны да була, баланныкы да. Алар да бик кирәк.Әгәр булмаса, агачларны корт басар иде, – ди ул. –  Кырау башкатөшмәс. Минем исәбем белән бер кырау төшәсе калган иде. Әмма ул шомырт чәчәк атканда төште инде. Хәзер исә, көннәр салкынча торса да, июнь ае җылы булачак.

    Әмир абый быел корылык булмас дип ышандыра. Июль ае гадәттәгедән үзгәрәк булырдип фаразлый ул.

    Реклама

    – Быел июльдә салкынча һава торачак. Август ае бик матур, коры булыр дип көтәм. Сынамышлар алдамый. Аеруча урыс бәйрәмнәрендәге һава торышына игътибар итәргә кирәк икән, – ди ул.

    Гөлгенә ШИҺАПОВА

    https://vatantat.ru/2020/05/25562/

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: