Арск-Информ
  • Рус Тат
  • Хастаханәдә янгын чыккан. ИВЛга тоташтырылган биш пациент һәлак булган

    Санкт-Петербургтагы Изге Георгий хастаханәсендә реанимация бүлегендә барлыкка килгән янгын аркасында 5  кеше һәлак булды.

    Бу хакта ТАСС мәгьлүмат агентлыгы Гадәттән тыш хәлләр министрлыгының шәһәр буенча Баш идарәсенә таянып хәбәр итә. Беренчел мәгьлүматларга караганда, пациентларның үпкәләргә ясалма вентиляция ясау аппаратына тоташтырылган булулары билгеле.

    Янгын мәйданы 10 кв. м тәшкил иткән, аны сүндергәннәр. Һәлакәт урынына Выборг районы прокуроры килгән. "Выборг районы прокуратурасы янгын белән бәйле закон таләпләренең үтәлешен тикшерүне оештырды", - дип хәбәр иттеләр прокуратурада.

    Реклама

    Ут чыккан хастаханәгә шулай ук Петербургның социаль һәм демографик сәясәте мәсьәләләре өчен җавап бирүче шәһәр вице-губернаторы Олег Эргашев килгән.

    Март уртасыннан Изге Георгий хастаханәсе Санкт-Петербургта йогышлы стационар буларак эшли.
    Аның барлык медицина персоналы үткен респиратор вирус инфекцияләре һәм пневмония белән чирләүче авыруларга ашыгыч медицина ярдәме күрсәтү белән шөгыльләнә, биредә шулай ук коронавирус булган хасталар да дәвалана.

    http://shahrikazan.ru/news/kyiskacha-yaңalyiklar/peterburgtagy-khastakhand-yangyn-chykkan-ivlga-totashtyrylgan-bish-patsient-lak-bulgan

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: