Машина юл кырыена төшеп киткән, йөртүчесе имгәнгән

(Казан, 29 август, «Татар-информ»). Кичә кичке сәгать тугыз тулганда Татарстанның Актаныш районы Пучы авылы тирәсендә юл-транспорт һәлакәте булган.

«Татар-информ» агентлыгына шаһитлар хәбәр иткәнчә, Башкортстаннан килгән «Лада» юл кырыена төшеп киткән һәм машина берничә тапкыр әйләнеп капланган.

«Машина белән 33-35 яшьләр тирәсендәге ир-ат идарә иткән. Аны ашыгыч ярдәм табиблары хастаханәгә алып китте», — дип сөйләде авария шаһитлары.

 Подробнее: https://tatar-inform.tatar/news/incident/29-08-2021/tatarstanda-bashkortstannan-kilg-n-mashina-yul-kyryena-t-shep-kitk-n-y-rt-chese-img-ng-n-5835492