Маска режимы янәдән көчәйтелә!

автор, 30 сентябрь 2020 - 11:08

2154

30 сентябрьдән Казанның җәмәгать транспортында битлек режимын саклау буенча рейдлар көчәйтелгән режимда узачак. Роспотребнадзор таләбен үтәмәгән һәм шәхси саклану чараларын кулланмаган пассажирларны транспорт предприятиеләренең контроль-ревизия хезмәтләре төшереп калдырачак.

Җәмәгать транспорты ишекләрендә пассажирлар өчен"битлексез керү тыелган" диелгән өстәмә язулар эленәчәк. Бер генә пассажир да автобуста, трамвайда, метрода яки троллейбуста битлексез булырга тиеш түгел.

Моның белән беррәттән Казан кибетләрендә санитар-эпидемиологик таләпләрне үтәүгә тикшерүләр дәвам итә.

Татарстанда коронавирус пандемиясе аркасында кертелгән чикләүләрне юкка чыгаруның өченче этабында кул эшкәртү өчен антисептиклар булган җәмәгать урыннарына килүчеләргә перчаткаларны мәҗбүри киеп йөрү гамәлдән чыгарылган иде. Әмма элеккечә сулыш органнарын яклау чараларын - битлекләрне яки респираторларны куллану мөһим.