Дәүләт думасында бик яхшы тәкъдим белән чыкканнар.
Русия Дәүләт думасында тол калган пенсионерлар өчен мәрхүм иренең (хатынының) пенсиясенең 50 проценты күләмендә пособие кертергә тәкъдим итәләр. Аның белән депутат Иван Сухарев хезмәт һәм социаль яклау министры Антон Котяков исеменә мөрәҗәгать иткән.
Парламентарий билгеләп үткәнчә, тормыш иптәшен югалткан ялгыз пенсионер иңенә авыр психологик йөкләнеш кенә түгел, ә финанс мөмкинлекләре сизелерлек кимегәндә барлык көнкүреш проблемалары да ята.
"Гражданнарның әлеге категориясенә ярдәм итү максатында сездән тормыш юлдашын югалткан ялгыз пенсионерлар өчен өч ел дәвамында үлгән кешенең пенсиясенең 50 проценты күләмендә өстәмә пособие кертү мөмкинлеген карауны сорыйм", - диелә хатта.
Тормышка ашса, бик яхшы хәбәр бит!
Чыганак: https://kiziltan.ru/articles/social/2021-09-02/pensionerlar-chen-ya-a-posobie-kertelerme-2488714
Фото: news.myseldon.com
Нет комментариев