Районда “Нәни Сөмбелә” бәйгесе узды

автор, 20 ноябрь 2021 - 11:35

1379

Балалар бакчаларына йөрүче иң сәләтле, иң тырыш балалар көчләрен сынады.

Ел саен район күләмендә балалар бакчаларында тәрбияләнүчеләр арасында “Нәни Сөмбелә” бәйгесе үткәрелә. Анда бакчаның иң сәләтле,тырыш баласы катнаша. Аның татар телендә матур итеп сөйләшә белүе дә мөһим. “Быел бакчабыз данын икенче номерлы мәктәпкә әзерлек төркеменнән Габдрахманова Айзилә яклады. Аңа дуслары да ярдәмгә килде. Алар бергәләшеп "Сөмбеләдә кунакта" күренешен күрсәттеләр. Татар халкының милли ризыгы – кыстыбый әзерләүне тәкъдим иттеләр. Уртак тырышлык нәтиҗәсендә Айзиләбез һәм аның иптәшләре чыгышы беренче урынга лаек булды. Балаларны котлыйбыз! Аларның әти- әниләренә рәхмәт сүзләре җиткерәбез. Алга таба да бергә-бергә җиңүләргә ирешергә язсын”, – дип язалар Арчаның 10нчы номерлы балалар бакчасының Instagram битендә.