Афәрин, кибетчеләр!

Кибеттә алдалыйлар. барлык кибетләрдә дә дип әйтмим. Сезнең товар алгач, чекны караганыгыз бармы?

Ташламалы бәяләр турында язам. Товар ташламалы бәя белән языла. Ә сатып аласың ташламасыз бәя белән. Хәзер кассада сорый башладым, ничә сумнан бирәсез, ташламалы бәя беләнме дип. Чөнки ничә тапкыр алдандым.

Әле яңа гына кибеттән "ташламалы" бәя белән ике шешә минераль су сатып алдым. Ташлама кибетнең картасы булган клиетларга гына дигәч, картасын да сатып алдым.

Алган әйберләрем дә аз, нишләп алай кыйммәт чыкты соң дип, чекка карасам, минераль суны 89 сумга сатып алганмын. Ә ташламалы бәясе 69 сум дип язылган. Ачу килде. Кире кердем кибеткә. Нишләп алай сатасыз, ташламалы бәядән исәпләмәгәнсез, дим. 

Бергә бәяләрне карадык.

-- 89 сум дигән бәяне тапмадык. 69 сум диелгән. 

-- Бу бәя икенче шешәнеке, ди.

-- Ә нишләп 89 сумны язмыйсыз. Бу бит алдауга керә. Берьюлы 5 шешә суны алдым инде мин сездән 69 сум дип 89 сумнан. Сатуның яхшы юлын уйлап тапкансыз.

Хөрмәттле сайтны укучылар! Алданмагыз!  Чекларыгызны карагыз, бәяләрне сорагыз.