Арск-Информ
  • Рус Тат
  • Снюс белән агуланган укучы кайсы мәктәптән?

    Узган җомгада социаль челтәрләрдә  Арчаның 7 нче мәктәбендә укучыларга СНЮС (никотин катнашмасы кертеп ясалган конфет) таратылу турында имеш-мимешләр чыкты. Хәтта аны видеоязма белән дә расларга тырыштылар...

    Бу уңайдан без мәктәп директоры Ирек Исмәгыйлевка мөрәҗәгать иттек. 

    Реклама

     - Әйе, узган атнада мондый хәвефле хәбәр яшен тизлеге белән таралды. Безнең өчен дә бу көтелмәгән хәл иде. Видеоязманы карагач кына җиңел сулап куйдык. Андый бала бездә укымый. Соңрак билгеле булганча, әлеге видео безнең мәктәптә түгел,  районда, хәтта Татарстанда да түгел, ә Россиянең башка төбәгендә төшерелгән булып чыкты.  Мондый аянычлы хәл булмасын өчен хәзерге вакытта без балалар һәм ата-аналар арасында аңлату эшләре алып барабыз, - дип җавап бирде ул.

    Без СНЮСлар турында район эчке эшләр бүлеге белән махсус язма әзерлибез. Аны "Арча хәбәрләре"ндә укырсыз. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: