Арск-Информ
  • Рус Тат
  • Таксистны үтереп, мәетен машинасы багажнигына салган яшүсмерләрне тоткарлаганнар

    Ир-атның югалуы турында аның туганнары хәбәр иткән, икенче көнне мәетне Яшел Үзәндә бакчачылык ширкәтендә тапканнар.

    Яшел Үзәндә таксистны үтергән һәм мәетен машинасының багажнигында яшергән өч яшүсмерне тоткарлаганнар. Бу хакта «Татар-информ»га Россия Тикшерү комитетының ТР буенча Тикшерү идарәсе җитәкчесе ярдәмчесе Эльвира Газизова хәбәр итте.

    35 яшьлек ир-атның мәетен дүшәмбе кичендә машина багажнигында тапканнар. «Вортекс Тинго» машинасы «Октябрьнең 70 еллыгы» бакчачылык ширкәтендә табылган.

    Мәетне караганда, ирне үтерүләре күренә — аның башында бик күп тырналган эзләр һәм гематома булган. Ир үз машинасы белән таксист булып эшләгән. Кичә аның гаиләсе югалуы турында хәбәр иткән.

    Тиздән оперативниклар җинаятьтә шикләнелүчеләрне — 15-17 яшьлек өч яшүсмерне тоткарлый. Алар үз гаепләрен өлешчә таный. «Кеше үтерү» маддәсе буенча җинаять эше кузгатылган.

    Реклама

    Якын арада тикшерүче үсмерләрне сак астына алуны сораячак.

    Кирәкле экспертизалар — суд-медицина, дактилоскопик, молекуляр-генетик һәм компьютер-техник экспертизалар билгеләнгән. Тикшерү һәр яшүсмернең җинаятьтә нинди роль уйнавын ачыклаячак.

    Тикшерү булган барлык хәлләрне билгеләячәк. 

    https://tatar-inform.tatar/news/incident/30-09-2020/taksistny-terep-m-eten-mashinasy-bagazhnigyna-salgan-yash-smerl-rne-totkarlagannar-5775352

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: