Татарстанда +5 градуска кадәр җылы һәм көчле җил көтелә

Бүген Татарстанда көндез +5 градуска кадәр җылы булачак, көньяк-көнбатыштан көчле җил исәчәк, аның тизлеге урыны белән секундына 15 метрга җитәчәк. Бу хакта Гидрометеоүзәкнең матбугат хезмәте хәбәр итә.

Явым-төшемсез алмашынучан болытлы һава фаразлана. Көндез 0.. +5 градус җылы булуы көтелә, юлларда бозлавык.

Фаразларга караганда, якын көннәрдә Татарстанда һава торышында җитди үзгәрешләр көтелми. Синоптиклар җылы көннәр вәгъдә итә. Мондый һава торышы шартлары карның салмак эрүенә китерәчәк, диләр.

https://tatar-inform.tatar/news/tatarstanda-5-graduska-kadar-yly-ham-kocle-il-kotela-5884551

Хәзер Арча һәм Арча районы яңалыкларын безнең МАКС каналыннан  да белә аласыз