Татарстанда бәяләр артуның төп сәбәбе булып хезмәт күрсәтүләр өлкәсендәге кыйммәтләнү торган. Май бәйрәмнәре һәм кадрлар җитешмәве нәтиҗәсендә бу тармакта бәяләр сизелерлек күтәрелгән, бу исә инфляциянең тизрәк үсүенә китергән.
Россия буенча еллык инфляция 5,31 процент тәшкил иткән булса, Татарстанда бәяләр тагын да ныграк арткан.
Росстат мәгълүматлары буенча, азык-төлек һәм көнкүреш техникасына бәяләр бераз төшсә дә, бу хезмәт күрсәтүләрнең кыйммәтләнүен каплый алмаган.
Россия Банкы икътисадчылары фикеренчә, бәяләр үсешенә туристлар агымы арту, логистикадагы кыенлыклар һәм ягулык базарындагы вәзгыять тә йогынты ясаган.
Россия Банкы ел ахырына инфляция 4,5–5,5 процент булачак дип фаразлый. Әмма белгечләр ягулык базарындагы кризис аркасында бу күрсәткеч 5,8–6,3 процентка кадәр җитәргә мөмкин дип саный.
Ягулыкка бәяләр күтәрелү инфляциянең төп факторларының берсе булып кала. Росстат мәгълүматларына караганда, бер атна эчендә бензин бәясе – 3 процентка, ә дизель ягулыгы 2,7 процентка кыйммәтләнгән.
Хәзер Арча һәм Арча районы яңалыкларын безнең МАКС каналыннан да белә аласыз
Нет комментариев