Казанның 175нче гимназиясендә 9 кешене атып үтергән Илназ Галәвиевне Оренбург өлкәсендәге 6нчы төзәтү колониясенә (ул күбрәк «Кара дельфин» буларак билгеле) озатачаклар.
Бу хакта Татарстан прокуратурасының матбугат хезмәте хәбәр итә. 2023 елның 7 августында Түбән Новгородның гомуми юрисдикциядәге дүртенче апелляция суды гомерлек төрмә җәзасы рәвешендәге хөкем карарын үз көчендә калдырды.
Оренбург өлкәсенең Соль-Илецк шәһәрендә урнашкан 6 нчы санлы холык төзәтү колониясе халыкта «Кара дельфин» төрмәсе буларак билгеле. Россиядә ул гомерлеккә ирекләреннән мәхрүм ителгәннәр өчен тәгаенләнгән биш колониянең берсе.
Чыганак: Шәһри Казан
Нет комментариев