Курса Почмак авылы мәчетендәге җәйге лагерьда ял итүчеләр «Алгарыш» яшьләр үзәгендә кунак булды
Курса Почмак авылы мәчете каршында эшләүче җәйге лагерьда ял итүче балалар Арчадагы «Алгарыш» яшьләр үзәгендә булып, биредәге эшчәнлек белән танышты. Экскурсия яшьләргә заманча мөмкинлекләрне күрсәтү һәм үзәкнең көндәлек тормышы турында сөйләү максатыннан оештырылды.
Экскурсия барышында кунаклар яшьләр үзәгенең төрле кабинетларында булып, аларның нинди юнәлешләрдә файдаланылуы белән танышты. Балаларга үзәктә гамәлгә ашырылучы проектлар, үткәрелә торган чаралар һәм яшьләр өчен булдырылган мөмкинлекләр турында сөйләделәр.
Аеруча компьютер кабинеты укучыларда зур кызыксыну уятты. Заманча техника белән җиһазландырылган әлеге мәйданчык яшьләрнең файдалы ял итүе, аралашуы һәм төрле күнекмәләрен үстерүе өчен хезмәт итә.
Экскурсиядән соң балалар өчен кайнар аш та оештырылды. Җылы һәм дустанә мохиттә узган очрашу һәркемдә күңелле тәэсирләр калдырды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев