Арск-Информ
  • Рус Тат
  • “Нуриевлар клиникасы” балага уза алмаучылар өчен бушлай консультация уздыра

    Табиб-репродуктологлар балага узу белән бәйле проблемаларның сәбәпләрен ачыклаячак.

    “Нуриевлар клиникасы”нда түләүсез табиб-репродуктолог консультациясе узарга мөмкин. Акция 15 ноябрьгә кадәр дәвам итә. Шушы вакыт аралыгында теләгән һәркем бер тапкыр беренчел яки аннан соңгы консультациягә языла ала.

    Әлеге хезмәткә табиб тикшерүе һәм консультация, гинекологик УЗИ, шулай ук кирәк булган очракта 30 көн дәвамында (кабул итү көнен дә кертеп) табиб-репродуктологка бушлай күренү керә. Акция клиниканың барлык филиалларында да гамәлдә.

    "Балага узу белән проблемалары булган һәр гаилә парына да табиб-репродуктологка күренергә кирәк. Әгәр парлар ел дәвамында даими җенси тормыш белән яши һәм сакланмый, ә йөклелек юк икән, без балага уза алмауның теге яки бу сәбәпләре барлыгына шикләнә башлыйбыз", - ди “Нуриевлар клиникасы” баш табибы Наил Нуриев.

    Бу ЭКО ярдәмендә генә балага узарга мөмкин дигән сүз түгел, дип искәртә табиб. "Күрәсең, сез даими җенси тормышның нинди булуын дөрес аңламыйсыздыр. Башка тайпылышлар да булырга мөмкин һәм без аны ЭКО процедурасыннан башка да бетерә алабыз. Боларның барысы хакында да без кабул итү вакытында сөйләшәбез. Проблеманы хәл итүне кичектерергә кирәкми, чөнки хатын-кызның репродуктив сәламәтлеге турыдан-туры яшькә дә бәйле. Ир белән хатын бергә килсә яхшырак", - ди ул.

    • “Нуриевлар клиникасы” – репродуктив сәламәтлек үзәкләре челтәре. Аңа 2003 елда бертуган Ильяс һәм Наил Нуриевлар нигез салган. Алар бала таба алмауны, хатын-кызлар һәм ир-егетләр сәламәтлеген дәвалауда махсуслашкан. Филиаллары һәм бүлекчәләре Казан, Ижау, Киров һәм Яр Чаллы шәһәрләрендә бар.

     

    Бу хакта тулырак: https://tatar-inform.tatar/news/2019/10/17/195433/

    Нравится
    Поделиться:
    Реклама
    Комментарии (0)
    Осталось символов: