Пиротехника белән сак булыгыз!

Без сезгә пиротехника белән эш иткәндә үтәлергә тиешле кагыйдәләрне исегезгә төшерәбез. Кибет һәм базарларда шартлаткыч уенчыклар сатыла башлады: салютлар, питардалар, хлопушкалар һ.б. Бу товарларны сатучыга да, сатып алучыга да билгеле кагыйдәләр бар. Товарның сертификаты булсын. Алар махсус тимер тартмаларда да сакланырга тиеш. Сату мәйданнары бүленсен һәм янгынны сүндерү җайланмалары белән тәэмин ителсен.

 16 яше тулмаган балаларга бу төр товарларны сату катгый тыела. Пиротехник әйберләрне сатып алган очракта куллану инструкциясен укырга онытмагыз. Пиротехниканы бина эчендә кулланырга, утка ыргытырга, кабызган килеш кулда тотып торырга, тәмәке кабызырга ярамый. Кабызылган петардаларны кешеләр, җәнлекләр ягына ыргытмаска. Юешләнгән пиротехник эшләнмәләрне электр плитәләренә, җылыту батареяларына куеп киптерү тыела.

Янгын чыкса, 01, 112гә һәм Арча янгын сүндерү частенә (3-59-01) хәбәр итәргә.

Антон Сотов,

янгын күзәтчелеге бүлеге дәүләт инспекторы