Арча район мәдәният йортында 18-20 сентябрьдә узачак сайлауларда эшләячәк районыбызның 62 җәмәгать күзәтүчесе өчен семинар-тренинг узды.
Очрашу кысаларында катнашучылар участок сайлау комиссияләре эшенең төп аспектларын, күзәтүченең юридик статусын, шулай ук бәхәсле яки штаттан тыш хәлләр килеп чыкканда эш итү алгоритмнарын җентекләп тикшерделәр.
Укытуларны «Идарә көрәше федерациясе»нең Татарстан төбәк бүлеге рәисе Дамир Зыятдинов һәм Татарстан Республикасы Иҗтимагый палатасының Хокукый мәсьәләләр һәм җәмәгать контроле комиссиясе әгъзасы Алексей Киселев уздырды. Семинарда Арча муниципаль район башлыгы урынбасары Рамил Мөхәмәдияров та катнашты.
«Укуда төп басымны без күзәтүчеләрнең үз хокукларын һәм бурычларын белүләрен төгәл аңлауларына ясыйбыз», – диде белгечләр.
Семинар программасы күзәтүче эшенең барлык этапларын үз эченә алды. Күзәтүчеләрнең сайлау участогы ачылганнан алып тавышларны санау һәм йомгаклау беркетмәсенә кул кую тәмамланганчыга кадәр «эш урынын»да булырга кирәклеге турында ассызыкланды.
Төрле күнекмәләрне практик эшкәртүгә аерым басым ясалды. Тыңлаучылар мөмкин булган хокук бозуларны тиз ачыкларга өйрәнделәр.
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев