Синоптиклар Татарстанда боз яву, яшен һәм көчле яңгыр көтелүе турында кисәтте

Бүген көндез һәм кичен республикада яшен һәм тизлеге 17-22 м/с булган көчле җил исүе, урыны белән боз явуы ихтимал. Көннең икенче яртысында урыны белән көчле яңгырлар булырга мөмкин, дип хәбәр итә Татарстанның Гидрометеорология һәм әйләнә-тирә мохитне күзәтү идарәсе.

Төнлә һәм иртән Татарстанда томан төшәчәк. Төнлә һава температурасы +14..+19 градус тәшкил итәчәк, көндез һава +26..+31 градуска кадәр җылыначак.

Чыганак: http://sinoptiklar-tatarstanda-boz-yavu-yasen-ham-kocle-yangyr-kotelue-turynda-kisatte-5857470

Хәзер Арча һәм Арча районы яңалыкларын безнең Telegram-каналдан да белә аласыз