Арск-Информ
  • Рус Тат
  • ТР оператив штабы Казанга коронавируслы авыруларны алып кайткан рейсны атады

    Мәскәүдән очкан дүрт рейс пассажирларыннан үз-үзләрен изоляцияләү һәм үзләре турында кайнар линиягә хәбәр итүләре сорала.

    Коронавирус белән көрәш буенча республика штабы Covid-19 белән авыручылар Казанга кайткан рейсларны атады.

    Мәскәүдән очкан 3 авиарейс пассажирлары куркыныч зонага керә.Сүз SU 1196 (12 мартта кайтты), SU 1276 (17 мартта кайтты), SU 1278 (18 мартта кайтты) рейслары турында бара. Шул ук вакытта коронавирус белән авыручы 1 кеше Татарстан башкаласына Мәскәүдән поезд белән кайткан: рейс 024 М, 6нчы вагон.

    Оператив штаб бу рейслар белән кайткан пассажирларны 14 көн өйдә калып, үз-үзләрен изоляцияләргә чакыра. Мөмкин булганча якыннар белән аралашуны чикләү, шәхси гигиена кагыйдәләрен үтәү һәм дезинфекция режимын саклау, шулай ук бинаны җилләтү сорала.

    Әлеге рейслар пассажирларыннан үзләре турында мәгълүматны урындагы поликлиникага яки кайнар линиягә (8-800-222-59-00) көн саен 7.30 дан 20 сәгатькә кадәр хәбәр итүләре сорала. Авыру симптомнары барлыкка килгән очракта табибны өйгә чакыртырга кирәк.

    https://www.tatar-inform.ru/news/health/22-03-2020/opershtab-rt-soobschil-reysy-pribyvshih-bolnyh-koronavirusom

     

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: