Арча районында кайда ял итеп була?
Әлеге бүлектә Арча районында кайда ял итәргә мөмкинлекне күрсәтүче ярдәмлек бирелгән. Арчада нинди парклар һәм истәлекле урыннар бар? Шул хакта мәгълүмат таба аласыз.
-
Арчадагы «Казан-Су» паркы
Тасвирлама: Әлеге паркта ял итәргә дә, спорт белән шөгыльләнергә дә, балалар белән махсус мәйданчыкларда уйнарга да, җәен су коенырга, кышын чаңгыда, тимераякта да шуарга мөмкин.
Адресы: Арча шәһәре, Үзәк стадион
-
Арчадагы «Җиңү» паркы
Адресы: Арча шәһәре, Галактионов урамы
-
Арчадагы «Әлифба» музее
Адресы: Арча шәһәре, Вагыйзовлар урамы, 14 нче йорт (Арча педагогика көллияте)
-
Арчадагы Геройлар галереясы
Адресы: Арча шәһәре, Советлар мәйданы (район администрациясе ишегалды)
-
Арчаның Халык язучылары аллеясы
Адресы: Арча шәһәре, Советлар мәйданы
-
Арчаның «Казан арты» тарих-этнография музее
Адресы: Арча шәһәре, Сызгановлар урамы, 22 нче йорт
-
Арчадагы Әдәбият һәм сәнгать музее
Адресы: Арча шәһәре, 1 нче май урамы, 12 нче йорт
-
Тукай эзләре буйлап
Адресы: Арча районы, Яңа Кырлай авылы, Үзәк урам, 4 нче йорт
-
Мәгърифәтчеләр юлыннан
Адресы: Арча районы, Кышкар, Ташкичү, Күлтәс, Урта Курса авыллары
-
Гариф Ахуновның туган җирендә
Адресы: Арча районы, Кечкенә Өчиле авылы урыны
-
Мөхәммәт Мәһдиев музее
Адресы: Арча районы Гөберчәк авылы
-
Арча районында табигатьтә ял итү урыннары
Тасвирлама: Арча районында ял итәргә теләүчеләр өчен “Кырлай” кунакханә-күңел ачу комплексы иң яхшы урын. Биредә сез үзегезгә мәдәни, актив һәм тәмле ял бүләк итә аласыз. Кышын атта йөрергә, чаңгы, тимераякта, тюбингта шуарга мөмкин.
Арча шәһәрендә вакытны файдалы итеп уздыру, ял итү өчен урыннар күп. Арча шәһәре, банк урамы, 28 б йорты адресы буенча кинотеатр эшли. Шәһәрдә «Казан-Су», «Җиңү» паркларында җанга саф һавалы шифалы ял алырга, балаларга уен мәйданчыкларында уйнарга, спорт белән шөгыльләнергә була. Шәһәргә килүчеләр «Әлифба» музее», «Геройлар галереясы», «Халык язучылары» аллесясы, «Казан арты» тарих-этнография музее», «Әдәбият һәм сәнгать музее»нда булып, Арчаның үткәне һәм бүгенгесе, татар халкының үткәне белән таныша ала. Сәяхәт итәргә теләүчеләр өчен дә мөмкинлекләр бар: Тукай эзләре буйлап, Кушлавыч, Өчиле, Яңа Кырлай авылларына барырга, Яңа Кырлайдагы «Габдулла Тукайның әдәби-мемориаль музее»на керергә, районнан чыккан Мәгърифәтчеләр юлыннан «Кышкар мәдрәсәсе», «Ташкичү», Урта Курса мәчетләрен карарга, Күлтәс авылынңда Күлтәси каберенә зыярәт кылырга, Гариф Ахуновның туган җирендә, Кечкенә Өчиле авылы урынында булып, Көтек буасында су коенып, табигать кочагында ял итеп алырга, Гөберчәктәге Мөхәммәт Мөһдиев музеена барырга мөмкин.
