Арчада гомер итүче Гөлшат һәм Кәшиф Лотфуллиннар алтын туйларын билгеләп үтте
Районыбызда күпләргә үрнәк булып, матур гаилә сыйфатларын үзләренә җыйган парлар аз түгел. Олыгайган көннәренә кадәр тигез гомер итүче гаиләләр сокланып һәм горурланып сөйләрлек мәхәббәт тарихы үрнәге булып торалар. Газетабыз битләрендә озак еллар бергә гомер итүче парлар, үрнәк гаиләләр белән һәрдаим таныштырып торабыз. Бу язма исә Арчада яшәүче Лотфулиннар гаиләсенә багышлана. Алар күптән түгел гаиләләренең олы юбилейларын билгеләп үтте. 25 сентябрь көнне район хатын-кызлар советы җитәкчесе Альмира Гатауллина һәм “Көнбатыш” территориаль иҗтимагый үзидарә рәисе Руслан Гыйниятуллин юбилярларны котлап, район башлыгы һәм ЗАГС бүлеге исеменнән аларга бүләкләр һәм рәхмәт сүзләрен җиткерде.
