3 продуктны даими кулланганда, картаюны акрынайтырга мөмкин. Россия Сәламәтлек саклау министрлыгының Пирогов исемендәге медицина университеты геронтология фәнни-клиник үзәге директоры урынбасары Ирина Стражеско “РИА Новости” хәбәрчесенә шулай дип белдергән.

Белгеч фикеренчә, симерү, организмда карт күзәнәкләр туплану сәбәпле килеп чыгучы хроник ялкынсынулар картаюга, төрле чирләргә китерә. Карт күзәнәкләрне исә сенолитик матдәләр җимерүгә ярдәм итә. Алар алма, бакча җиләге һәм суганда күп. Симерүдән котылу өчен дөрес тукланырга һәм физкультура белән шөгыльләнергә кирәк.

“Шуны истә тотыгыз: нәселегездә озак яшәүчеләр булмаса да, тормыш рәвешен үзгәртергә мөмкин. Ә гомер озынлыгы 75 процентка шуңа бәйле”, – дип аңлаткан белгеч.

https://vatantat.ru/2023/02/104247/