Кыш көне терлек асраучыларга киңәшләр

Абзарда шартлар

Кышын биналарда җылы һәм коры булуы бик мөһим. Җил-сквозняклар булмасын, идән дымлы булмасын. Аслыкны (салам, пычкы чүбе һ.б.) вакытында алыштырып торыгыз.

Тукландыру
Бу чорда хайваннарга тулы кыйммәтле азык кирәк. Рационда тупас азык (печән, салам), сусыл азык (силос, тамыразыклар) һәм концентратлар булырга тиеш. Витамин-минераль өстәмәләр дә файдалы.
Иң мөһиме — хайваннарда даими рәвештә чиста су булсын, суның температурасы +3 °C тан да түбән булмасын.

Көндәлек карау
Абзарны даими җилләтү, чистарту, хайваннарның аяк,  тоякларын һәм сыерларда имчәкләрен тикшереп тору сәламәтлекне сакларга ярдәм итә. Вакытында профилактик чаралар күрү кышны имин узарга һәм продукцияне (сөт, ит) тотрыклы дәрәҗәдә сакларга мөмкинлек бирә.