Тиздән язгы каникуллар башлана!

Йортыгызда янгынга каршы торышны күзәтегез. Үз тынычлыгыгыз өчен йортыгызда (фатирда) янгын чыкканын белдерүче приборлар урнаштырырга һәм ут сүндергечләр сатып алырга, шулай ук йорттагы электр үткәргечләрен куркынычсыз халәткә китерергә киңәш итәбез. Балалар белән аңлату әңгәмәләре үткәрегез, гадәттән тыш хәлләрдә үз-үзләрен тоту кагыйдәләренә өйрәтегез. Өйдә күзгә күренеп торган урында ашыгыч ярдәм күрсәтү хезмәтләре исемлеге урнашсын һәм гадәттән тыш хәл булган очракта балагызга кирәкле номер буенча шалтырата белүен аңлатыгыз. 
Балаларга ут белән уенның куркынычлыгы турында ешрак искә төшерегез. Аларга янгын вакытында өйдә (фатирда) качмаска, мөмкин кадәр тизрәк янган бинадан чыгарга кирәк икәнлеген төшендерегез. Кече яшьтәгеләрне өйдә ялгыз кадырмагыз. Балаларга ягып җылыту мичләрен карауны беркайчан да йөкләмәгез.
Исегездә тотыгыз, ут хаталар кичерми. Гадәттән тыш хәл булган очракта 01, 112 номеры буенча шалтыратыгыз. Үзегезне һәм туганнарыгызның тормышын саклагыз!

Ильяр Гыймадиев,
Арча һәм Әтнә районнары буенча  янгын күзәтчелеге инспекторы