50 мең һәм 75 мең сум кемнәргә биреләчәк?

Акча күләме, ветеранның нинди категориягә керүенә карап, 50 мең сумнан 75 мең сумга кадәр булачак. Россия хөкүмәте Җиңү уңаеннан акчаның кайчан биреләчәген хәл итәчәк. Ә акчалар кемгә күпме биреләчәк соң?

75 мең сумны сугыш инвалидлары һәм ветераннары, элекке концлагерь-гетто тоткыннары, сугышта катнашучыларның тол хатыннары, тыныч тормышта вафат булган сугышта катнашучыларның тол хатыннары (тол ирләре), ә 50 мең сумны тыл хезмәтчәннәре, элекке концлагерь-геттоларның балигъ булган тоткыннары алачак.

Указ чыккач, “Әлеге акчалар кайнар нокталарда хезмәт иткән ир-егетләргә дә юк микән?” дип редакциягә шалтыратулар да, килеп сораучылар да булды.  Бу сорау белән без Арча районының пенсия фонды бүлегенә мөрәҗәгать иттек. Ләкин бу акчалар Бөек Ватан сугышыннан кала башка сугыш юлы узганнарга кагылмый булып чыкты.