Җәйнең беренче көнендә Татарстанда яшенле яңгыр, боз явуы көтелә

Иртәгә, 1 июньдә, Татарстанда һава торышы үзгәрәчәк.  Казанда һәм башка районнарда урыны белән яшенле яңгыр, боз явуы көтелә, дип кисәтә Россия гадәттән тыш хәлләр министрлыгының ТР буенча Баш идарәсе.

Көчле яңгырлар көндезге 12 белән кичке 9 сәгать аралыгында көтелә. Синоптиклар шулай ук җилнең секундына 15-20, ә урыны белән секундына 24 метрга кадәр көчәюе турында кисәтә.

Яшен вакытында транспортта ерак араларга чыкмаска, шулай ук су объектларыннан ераграк торырга киңәш итәләр.

ТР Гидрометеорология үзәге фаразлавынча, 2 июнь көнне көндез 21-26 градус җылылык көтелә. Сишәмбе көнне температура 24 градустан артмаячак, дип фаразлана.