Арча көрәшчеләре М. Җәлил призына көрәшә (+ видео)

- Ун көрәшчебезнең җидесе : Хәсәнов Рамил, Хәкимҗанов Рамил, Фазылҗанов Илшат,Зарипов Фаяз, Әһлиуллин Дамир,Абдуллин Руслан һәм Ситдыйков Альберт беренче әйләнештә көндәшләрен җиңүгә ирештеләр. Иртәгә алар яңадан келәмгә чыгачак. Шунысын да әйтергә кирәк, безнең командада читтән чакырылган көрәшчеләр юк,барысы да үзебезнекеләр. Ә менә алты егетебезне башка районнар алып торды. Бу да безнең файдага. Зур турнирда катнашып алар да тәҗрибә туплый тора , - диде районның көрәш федерациясе рәисе Ренат Алиев.

Көрәшчеләребезгә алдагы көннәрдә дә уңышлар юлдаш булсын!

Исегезгә төшерәбез, моннан алдагы республика беренчелегендә Арча командасы пьедесталга бер генә адым җитми калган иде. Бәлки бу юлы күптән көтелгән призлы урынга да ирешербез.Бирсен Ходай!