Арча яңалыклары
Арча районында “Мобильник” чарасы уза
Августның 3 сеннән 31 енә кадәр Арча районында ЮХИДИ тарафыннан “Мобильник” оператив-профилактик чара уздырыла.
Максаты: машина йөртүчеләрнең транспорт белән идарә иткәндә телефон кулланып, юл йөрү кагыйдәләрен бозуны кисәтү.
ЮХИДИ кисәтә: руль артында йөргәндә телефоннан сөйләшмәгез, смс хәбәрләр язмагыз, төрле программаларга кермәгез һәм уеннар уйнамагыз. Әлеге шөгыльләр машина йөртүченең игътибарын ала, шул сәбәпле, юл һәлакәтләре килеп чыгарга мөмкин.
Кагыйдәләрне бозучыларга 1500 сум штраф салу каралган. Тик штраф әле иң куркынычы түгел, онытмагыз, рульдә барган вакыттагы шалтырау тормышта иң соңгысы булырга мөмкин. Үзегезне һәм якыннарыгызны саклагыз!
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев