Фәрит Мөхәммәтшин Россия Конституциясен үзгәртү буенча эшче төркем составына керде

ТР Дәүләт Советы Рәисе Фәрит Мөхәммәтшин РФ Конституциясен үзгәртү буенча эшче төркем составына кертелде.

Россия Федерациясе Президенты Владимир Путин кул куйган боерык текстында: «Россия Федерациясе Конституциясенә үзгәрешләр кертү турында тәкъдимнәр әзерләү буенча эшче төркем составын расларга» — диелә.

РФ Федераль Җыенына юллама кысаларында Россия Президенты Владимир Путин Конституциягә кертергә тәкъдим ителгән барлык төзәтмәләр буенча референдум үткәрергә кирәклеге турында белдергән иде.

Шулай ук Владимир Путин ил Конституциясендә РФ Дәүләт Советының статусын һәм ролен беркетергә тәкъдим итте.

РФ Дәүләт Советы статусын Россия Конституциясендә беркетү — законлы карар, чөнки бу структура үзенең нәтиҗәлелеген исбатлады. Моның шулай икәнлеген Татарстан Президенты Рөстәм Миңнеханов билгеләп үтте.

Татар-информ