Почта хезмәткәре 217 мең сум пенсия акчасын үзләштергән

Бу турыда Татарстан прокурорының өлкән ярдәмчесе Руслан Галиев хәбәр итә. Татар-информ язуынча, узган ел җәй «Татарстан почтасы» федераль почта элемтәсе идарәсенең Әлмәт районара почтамтының 34 яшьлек хезмәткәре пенсия өчен бирелгән 217 мең сум акчаны үзләштерүдә шикләнелә.   Хатын-кыз үз гаебен таныган. Тикшерү вакытында ул беркая да китмәү турында подписка бирде.   Бу эш судка җибәрелгән. Фото: пиксабай

Матбугат.ру