Татарстанда буран, көчле җил көтелә, юлларга кар салачак
Урыны белән 23 градуска кадәр суытырга мөмкин.
Татарстанда 22 февраль кичендә, төнлә һәм 23 февральдә көндез һава торышы бозылыр дип көтелә. Бу хакта Татарстанның Гидрометеорология үзәге хәбәр итә.
Кар явуы фаразлана, бигрәк тә көньяк һәм көнчыгышта. Күзнең күрү сәләтен 1000 метрга кадәр киметә торган буран, тизлеге секундына 18 метрга кадәр җитә торган көчле җил көтелә, юлларга кар салачак.
Төнлә һава температурасы -10..-15 градус булачак, урыны белән -18..-23 градуска кадәр суытырга мөмкин. Көндез -18..-23 градуска кадәр суык була.
https://tatar-inform.tatar/news/tatarstanda-buran-kocle-il-kotela-yullarga-kar-salacak-5867453
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев