Татарстанда тагын дүрт ир-ат һәм ике хатын-кыз ковидтан үлгән

Татарстанда тагын дүрт ир-ат һәм ике хатын-кыз ковидтан үлгән
2022 елның 29 гыйнварына республикада ковидтан үлүчеләрнең рәсми теркәлгән гомуми саны — 1582 кешегә җитте.
РЕКЛАМА

(Казан, 29 гыйнвар, «Татар-информ»). Татарстанда тагын алты кеше — дүрт ир-ат һәм ике хатын-кыз коронавирус корбаны булды.

2022 елның 29 гыйнварына республикада ковидтан үлүчеләрнең рәсми теркәлгән гомуми саны — 1582 кешегә җитте, дип хәбәр итә Татарстан Сәламәтлек саклау министрлыгының матбугат хезмәте.

Вафат булучылар – 1582 кеше, бу санга соңгы тәүлек эчендә расланган алты очрак та керә, диелә хәбәрдә.

Коронавирустан 1941, 1942, 1952 һәм 1955 елларда туган дүрт ир-ат, 1939 елда туган ике хатын-кыз һәлак булган.

Дәүләт статистикасы хезмәте мәгълүматларына караганда, SARS-CoV-2 штаммы сәбәпче булган теркәлгән һәм теркәлмәгән үлем-китемнәрнең саны арасындагы аерма Россиянең күп кенә төбәкләрендә, шул исәптән Татарстанда да күзәтелә.

Статистика ведомствосы мәгълүматларына караганда, 2021 елның декабрь аенда йогышлы чирнең Covid-19 төреннән 600дән артык татарстанлы вафат булган.

                                            Тулырак: https://tatar-inform.tatar/news/incident/29-01-2022/tatarstanda-tagyn-d-rt-ir-at-m-ike-hatyn-kyz-kovidtan-lg-n-5848221