Утар Аты мәктәбе Арчага Җиңү бәйрәменә музей-күргәзмә белән килде (ВИДЕО)

Утар Аты мәктәбе директоры Руслан Низамов " Каләмне корал итеп" дигән   әдәби музей белән таныштырды. Музей фронтовик шагыйрь Әхмәт Исхакка багышланган.Кыскача гына Әхмәт Исхак турында. Әхмәт Габдулла улы Исхаков 1905 елда Казанда туган. 1991 елда 86 яшендә Казанда вафат Сугыш елларында – взвод командиры, хәрби газета хезмәткәре. Тыныч тормышта шулай ук матбугатта эшли.

Билгесез солдат кабере

Билгесез солдатның кабере

Өстендә мәңгелек ут яна.

Янында җәен дә, кышын да,

Яз кебек, чәчәкләр аллана.

Кабернең өстенә җәелгән

Чуерташ салкыны аркылы

Чыга күк, юл ярып, дөньяга

Солдатның йөрәге ялкыны