Ветераннар хатирәләр яңартты

Бик күп танылган шәхесләрнең эзе сакланган мәктәп коллективы бүгенге көндә матур итеп эшли, балаларга ныклы белем биреп, туган як тарихына хөрмәт тәрбиялеп яши. Мәктәп музеенда ветераннарыбыз әлеге мәктәптә укыган Татарстан республикасының Халык язучысы Гариф Ахуновны, укытучы булып хезмәт юлын башлап җибәргән Татарстанның Халык язучысы Мөхәммәт Мәһдиевне, мәктәпне төзүгә күп көч керткән Социалистик Хезмәт герое Мирбат Хәстиевны һәм балаларга белем биргән күп укытучыларның исемнәрен искә алдылар, хәтирәләрне яңарттылар.