Декабрь аенда Арчаның 10 нчы номерлы балалар бакчасының 1нче номерлы уртанчылар төркемендә юл хәрәкәте кагыйдәләре буенча балалар һәм ата-аналарның ел саен үткәрелә торган уртак эшләнмәләре күргәзмәсе булып узды.
Ата-аналар белән хезмәттәшлектән башка куркынычсызлык өлкәсендә тәрбияләү мөмкин түгел. Әти-әниләр бу эшкә бик теләп катнашырга теләкләрен белдерделәр.
Балалар белән берлектә юл тамгалары, светофорлар, юл билгеләре, йорт макетлары, функциональ транспорт - җиңел автомобильләр белән матур гына Автошәһәр килеп чыкты. Мондый күргәзмәләр - балаларда юл хәрәкәте кагыйдәләрен белүне ныгытырга, юлда куркынычсыз тәртип күнекмәләрен формалаштырырга өйрәтә. Киләчәктә дә шундый мавыктыргыч эшләргә катнашырга язссын.
Рәүзия Закирова
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев