Уртанчылар төркеме әтиләренә кызыклы бәйрәм кичәсе бүләк итте

Бәйрәм көнендә иң якын кешеләребезне – әтиләребезне, бабаларыбызны, энеләребезне һәм малайларыбызны котлыйбыз. Арчаның  10 нчы номерлы балалар бакчасында искиткеч күңелле бәйрәм чарасы булып узды. 22 февраль көнне үзебезнең яраткан әтиләребезне, бабаларыбызны кунакка чакырдык. Бәйрәмебез балаларның бик матур итеп марш атлауларыннан башланды.  

Бәйрәм тантанасына  Арча районының янгын сүндерү бүлегеннән Салихов Рөстәм Раушан улы да чакырылган иде. 1нче номерлы уртанчылар төркеме әтиләренә бик күнелле, кызыклы бәйрәм кичәсе эзерләделәр.  Искиткеч итеп җыр җырлап, шигырьләр сөйләп, бәйрәмне бик матур бию белән тәмамладылар. Әтиләргә килгәндә: алар молодцы, искиткеч. Төрле уеннарда катнашып, үзләренен җитезлекләрен, кыюлыкларын күрсәттеләр. Бәйрәм ахырында  балалар үзләренен нәни куллары белән ясалган бүләкләрен  әтиләренә тапшырдылар. Бәйрәм чарасы бик күңелле үтте.

                                                                   Арчаның 10 нчы номерлы                 

                                                                   балалар бакчасы тәрбиячесе

                                                                                        Закирова Рәүзия