Inditex компаниясенә Massimo Dutti, Zara, Pull & Bear, Oysho, Bershka, Stradivarius, Zara Home, Uterque брендлары белән эш итә) дә кагыла бу. Россия сәнәгать һәм сәүдә министры урынбасары Виктор Евтухов бүген шулай дип белдергән.

“IKEAга хәзер ассортиментын тулыландырырга кирәк. Әлегә бу мәсьәләне хәл итү кыен. Компания моның юлларын тапкач, кибетләрен ачачак. Җитмәсә, IKEA кибетләрен дә үзе төзеде бит. Аларны ташлап, кемгәдер калдыру дөрес булмас иде”, – дигән Евтухов “Халык фронты” эфиры аша.

Министр урынбасары сүзләренә караганда, IKEA бездә бик табышлы эшли. Компания продукцияне чит илләрдән дә кайтара, шулай ук Россиядә дә заводлары бар.

“Эшчәнлеген вакытлыча туктаткан чит ил компанияләре үзләре белдергәнчә, эшләмичә тору махсус операциягә бәйле түгел, бәлки логистикадагы, продукция кайтарудагы проблемаларга бәйле. Алар инде якын киләчәктә үк эшчәнлекләрен яңартып җибәрергә ниятли. Берсенең дә китәсе килми, чөнки Россия базары бик зур бит”, – дигән Евтухов.

“Inditex та, Россия базары – бик мөһим, дигән фикердә”, – дип йомгаклаган сүзен Евтухов.