Яңалыклар
Татарстанда кайбер табибларның хезмәт хакы артачак
Татарстанның соматопсихиатрия бүлекләре белгечләре зарарлы яки куркыныч шартларда эшләгәннәре өчен махсус өстәмәләр билгеләнгән бүлекләр исемлегенә кертелгән.
Бу хакта Татарстан Республикасы Премьер-министры Алексей Песошин имзалаган карарда әйтелә.
Әлеге бүлек белгечләре «катгый күзәтүле психиатрия (психоневрология), психиатрия хастаханәләрендә, наркология медицина оешмаларында һәм аларның структур бүлекчәләрендә; психик авыруларны һәм хроник алкоголизм һәм наркомания белән интегүче кешеләрне дәвалау өчен башка медицина оешмаларының бүлекчәләрендә, палаталарында, кабинетларында эшләү» пунктына кертелгән.
Моннан тыш, медицина хезмәткәрләренең хезмәт хакы турындагы нигезләмәгә медицина профилактикасы кабинеты мөдирләре дә кертелгән. Республиканың дәүләт оешмаларында мондый белгечләр өчен база хезмәт хакы 18,9 мең сум күләмендә билгеләнгән.
Чыганак: Шәһри Казан
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев