Зөлфирә Шәйдуллина: «Габделхәй абыйдан хәер-фатиха алдык» (+видео)

Ә видеосын социаль челтәргә урнаштырган.

“Бу видеога күп сүз булыр... Әмма, барыбер кертәм. Кичә бик матур юбилейда эшләргә туры килде. Кунаклар арасында легендар җырчыбыз Хәния апаның ире - Гәбделхәй абый да бар иде.

Гәбделхәй абыйның сүзләреннән соң, бу җыр бик урынлы булыр дигән фикергә килдек һәм башкарырга булдык. Аранжировка бер куплеттан соң өзелде! Ни өчен шулай булганын белмибез... Халык каршында югалып калырга ярамый. Кунаклар "болай җырла" дигәч, ике дә уйламыйча башкарып чыктым.

Әллә әтиемнең яраткан җыры булганга, әллә каршымда Гәбделхәй абый утырганга, бу юлысы әллә ничек, күңел тулды... Алдагы көннәрдә Гәбделхәй абыйдан бу җырны башкарырга хәер-фатиха алдык. Хәния апаның җырлары мәңгелек”, - дип язган Зөлфирә.

Реклама

Зөлфирәгә төрле рухтагы фикерләр язганнар:

“Синең тавыш белән теләсә кайсы җирдә җырлап була. Тавышсызлар, плюска җырлаучылар нишләгән булыр иде икән, монысы кызык. Ә син молодец! Синең тавышка тиңнәр юк!”
“Бу җыр синеке, Зөлфирә!”
“Тыңлаган саен тыңлыйсы килә синең җырлавыңны. Күп җырчыларга үрнәк булсын иде”.

http://shahrikazan.ru/news/shou-biznes/zlfir-shydullina-gabdelkhy-abyydan-kher-fatikha-aldyk