Арск-Информ
  • Рус Тат
  • 21,5 мең өлкән кеше медицина тикшерүе үткән

    Өлкәннәр медицина тикшерүе үтә.

     

     

    «Демография» илкүләм проекты ярдәмендә 21,5 мең өлкән кеше медицина тикшеренүе үткән

    2020 елда авылларда яшәүче 93 меңнән артык пенсионерны медицина оешмаларына алып барачаклар.

    (Казан, 30 апрель, «Татар-информ»). Быел «Демография» илкүләм проекты һәм «Өлкән буын» төбәк проекты кысаларында 21 589 өлкән яшьтәге кеше медицина тикшеренүе узды.

    Реклама

    Дөньяда COVID-19 коронавирусы пандемиясе башлангач, 1 апрельдән әлеге тикшеренүләр вакытлыча туктатылып тора. Шулай да ел азагына кадәр авыл җирлегендә яшәүче 65 яшьтән өлкәнрәк 93 мең кешене медицина оешмаларына алып барырга планлаштырыла.

    Шулай ук быел 13 муниципаль район инвалидларны һәм өлкән яшьтәге кешеләрне даими карап-тәрбияләп тору программасында катнаша. Бу программа буенча 2 748 пенсионер һәм инвалидка социаль хезмәт күрсәтеләчәк (социаль хезмәткә мохтаҗларның 12 проценты).

    Коммерцияле булмаган оешмалар көчен җәлеп итеп, «сиделка» хезмәте тәкъдим ителәчәк. Моннан тыш өлкән яшьтәге кешеләргә көндезге вакытларын социаль хезмәт күрсәтүче биш дәүләт оешмасында үткәрергә мөмкинлек тудырылачак

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: