http://arskmetall.ru/?erid=LgsiSnffX
Арск-Информ

Арча районы

Рус Тат
Арча яңалыклары

9 яшьлек кызын кыйнап үтерүдә гаепләнүче фермер 19 елга хөкем ителде

Тикшерү фаразы буенча, 9 яшьлек кызны тәрбиягә алган әтисе 2018 елның августында бик каты кыйнаган.

Татарстан Югары суды Алексеевск районында 9 яшьлек кызны кимсетү, газаплау, ата-ана бурычларын тиешенчә үтәмәү һәм үтерү эше буенча Григорьевларга хөкем карары чыгарды.

Роман Григорьев үз эшен присяжныйлар каравын сорады. 4 мартта присяжныйлар аны 9 яшьлек кызын үтерүдә һәм мыскыл итүдә гаепле дип тапкан, әмма, алар фикеренчә, ул мәрхәмәткә лаек. Аның хатыны Элланы кыз баланы җәберләүдә гаепле дип табалар.

Тикшерү мәгълүматларына караганда, Элла һәм Роман Григорьевлар тәрбиягә алган дүрт баланы берничә ел дәвамында даими рәвештә мыскыл иткән — аларны үзләре булмаганда өйгә керүне тыйган, хуҗалыкта авыр эш башкарырга мәҗбүр иткән, кечкенә генә гаеп өчен металл таяк белән кыйнаган.

2018 елның августында гаилә башлыгы 9 яшьлек кызын, комлыкта уйнаганда күлмәген пычраткан өчен, кыйнаган. Ир берничә тапкыр балага кисәтү ясаган, ә аннан соң аңа йодрыклары белән ташланган. Алган җәрәхәтләрдән кыз шунда ук үлгән.

Реклама
2VtzqxaTAbC

Бүген Татарстан Югары суды Григорьевларны гаепле дип тапкан һәм 41 яшьлек Роман Григорьевка 19 ел катгый режимлы колония билгеләгән, 39 яшьлек Элла 7 елга гомуми режимлы колониягә озатылачак.

«Татар-информ» мәгълүмат агентлыгы элек хәбәр иткәнчә, 9 яшьлек баланың үле гәүдәсе республиканың Алексеевск районы Красная Горка авылындагы йортларның берсендә пешкән һәм кыйналган эзләрбелән табылган.

 

Фото, видео Гульнара Аухадиева 

Татар-информ

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев