Арск-Информ
  • Рус Тат
  • Алдагы көннәрдә нинди һава торышы көтелә?

    Ял көннәренә таба һава температурасы берникадәр төшә башлаячак. Әлегә исә республикабызда тәүлеклек уртача температура күпьеллык күрсәткечләрдән 9-10 градуска югарырак.

    Татарстан Республикасы Гидрометеорология үзәге фаразларына караганда, чәршәмбе – 11 мартта да аномаль җылы көтелә. Төнлә – аз гына яңгыр һәм томан, көндез исә явым-төшем фаразланылмый: һава температурасының +3+8 градуска җитүе күздә тотыла.

    Пәнҗешәмбе – 12 март көнне яңгырлы җылы булачак. Шул ук вакытта синоптиклар иртән һәм көндез секундына 15-18 метр тизлектә көчле җил вәгъдә итә. Һава температурасы исә әллә ни үзгәрмәячәк. Төнлә термометрның терекөмеш баганасы 0дән +5 градуска кадәр, көндез +3тән +8 градуска кадәр күрсәтәчәк.

    Җомга – 13 мартта исә төньяк циклон үтеп керү һава торышын берникадәр үзгәртәчәк. Яңгыр, кайбер районнарда юеш кар явачак. Гидрометеоүзәк шулай ук иртән һәм көндез секундына 17-22 метр тизлектә көньяк-көнбатыштан көчле җил буласын фаразлый. Температура төнлә 0 дән +3 градуска кадәр тәшкил итсә, көндез +8 градуска кадәр җылыта.

    Реклама

    Инде әйткәнебезчә, ял көннәрендә әкренләп суыта башлаячак. 14 мартта әле көндез +5 градуска кадәр җылы булачак. Ә менә якшәмбе көнне көндез һәм төнлә һава температурасы 0дән -5 градуска кадәр төшәчәк. Юеш кар, яңгыр, юлларда бозлавык көтелә.

    Фото: pixabay.com

    https://vatantat.ru/2020/03/anomal-җyly-yaңgyr-kar-atnalyk-һava-toryshynyң-nindi-bulachagy-bilgele/

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: