Алдау юлларының яңаларын уйлап табалар

Хәзерге вакытта җинаятьнең иң киң таралган төре – мошенниклык. Бу хакта даими язып торабыз, кисәтәбез, әмма алданучылар саны кимеми. Бозымны чыгаруга да ышаналар, ялганнарга ышанып телефон аша гына акча белән дә эш итәләр, интернет-кибетләрдән товарга заказ да бирәләр. Кыскасы, алдау юллары бик күп. Һәм мошенниклар аларның яңаларын уйлап табып кына торалар. “Зинһар, акчаларыгыз белән аерылышырга ашыкмагыз. Ниндидер карарга килгәнче, туганнарыгыз белән киңәшләшегез, банкка шалтыратып белешегез”, – дип халыкка мөрәҗәгать итә һәм киңәшен бирә Россия эчке эшләр министрлыгының Арча районы буенча сорау алу төркеме начальнигы полиция майоры Раил Батталов.