Арск-Информ
  • Рус Тат
  • Алты яшькә кадәр баласы булган эшсез аналар өчен укыту курслары оештырыла

    Алты яшькә кадәр баласы булган һәм беркая эшләмәгән аналар өчен уку-өйрәнү, квалификация күтәрү курслары оештырыла. Бу хакта «Татар-информ» агентлыгында матбугат конференциясендә республиканың хезмәт, халыкны эш белән тәэмин итү һәм социаль яклау министры Эльмира Зарипова әйтте.

     

    Реклама

    Ул «Демография» илкүләм проекты кысаларында ярдәм чараларына тукталды. «Быелдан яңалык кертелә. Хәзер декрет ялындагы хатын-кызлар гына түгел, алты яшькә кадәр баласы булган, беркая эшләмәүче, эш эзләп, мәшгульлек үзәкләренә мөрәҗәгать иткән аналар да яңадан берәр һөнәргә укытылачак», — диде министр.

    2020 елда Россиядә 40 мең хатын-кызны яңадан укыту планлаштырыла. Татарстанда бу эшкә 87 млн сумга якын акча бүлеп бирү ниятләнә, 70 млн сумы — федераль казнадан. 2020 һәм 2021 елларда 1,5 меңешәр ананы укыту ниятләнә.

    Татар-информ

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: